Den årlege sommarlege «Kick off» for turistvertar i Sunnhordland var i år lagt til Tysnes.
Torsdag 12. juni var utsendingane frå dei ulike kommunane samla i Mandelhuset i Våge. Der informerte dei kvarandre om sine kommunar og dei opplegga/tilboda den enkelte kommune har for turistane.
Før møtet og samlinga i Mandelhuset fekk dei frammøtte ei orientering i flytenaustet om turistinformasjonen ved Vibeke Stoltz og Silje Lunde.
Frå Venelaget for jåttseglarane fortalte Hans Ole Dalland om jåttutstillinga og delte ut jåttbrosjyren, som no blir spreidd rundt til turistinformasjonane i Sunnhordland.