The
Norwegian Steam
frå Tysnes
Kva var The Norwegian Steam?
I eit halvt århundre var norske sjøfolk – ikkje minst frå Tysnes – mannskap på amerikanske segl-yachtar under verdsberømte seglasar, som America’s Cup. Vår oppgåve er å fortelja soga om dei segnomspunne sjøfolka.
Seglarane
På 1930-talet hadde kring 250 tysnesingar fast hyre på amerikanske seglbåtar, mesteparten av dei frå dei nordlege delane av Tysnes, frå Malkenes i aust, til Våge i vest. Meir
Kvifor «jått»
Ordet «jått» er den dialektale forma av «yacht», som til liks med andre engelske ord, tok feste hjå mange av jåttseglarane på Tysnes. Somme av dei emigrerte òg til USA. Meir
Bakgrunnen
Ein del tysnesingar investerte i løpet av 1800-talet i fraktbåtar. Sluppar og ei blanding av briggar og skonnertar var snart eit vanleg syn i området. Meir
Jåttutstillinga
Jåttutstillinga i Tinghuset i Uggdal byr på eit fint utval av gjenstandar, framsynings-materiell og informasjon om America’s Cup og The Norwegian Steam. Meir
America’s Cup
Ingen norske farty deltok i America’s Cup, men mang ein amerikansk båt hadde norsk besetning, noko som bidrog til at norske sjøfolk vart ein avgjerande faktor i cupen. Meir
Multimedia
Me har laga ei lita samling med fotografi, video-klipp og lyd-snuttar du kan bla i og nyta. Gjer vel og ta ein nærare kikk her.
Nordmenn i amerikansk seglsport
Mannskapet om bord på J-båten «Yankee», ved ankomst i Gosport, England i 1935, flesteparten av dei frå Tysnes. «Yankee» deltok i fleire engelske regattaer, men òg i Frankrike.
The Norwegian Steam
Utover 1870- og 1880-talet vart nemleg mange skandinavar, med stor overvekt av nordmenn, hyrte som kapteinar, styrmenn og mannskap på dei amerikanske båtane. Gjennom gode prestasjonar fekk dei frå 1893 til 1937, altså i nesten 50 år, høve til å spela hovudrolla i kampen om det største innan seglsporten: America’s Cup. Faktisk finn ein dømer på nordmenn i America’s Cup heilt fram til 1974.
Norwegian Steam-videoen
Ta ein kikk på denne videoen, som fortel historia om Tysnes og The Norwegian Steam. Merk at den omtalte jåttutstillinga sidan er flytta til ny adresse – i Uggdal. Sjå denne sida for detaljar om utstillinga.
“Imponerende samling – resultat av et stort arbeid. Interessant og lærerikt å se detaljer fra The Norwegian Steam-eventyret. Utstillingen er inspirasjon til NSFs Norsteam-prosjekt.”
Peter L. Larsen
President i Norges Seilforbund
(om Jåttutstillinga, august 2010)
Nyhende
Støtt Jåttlaget
Me treng hjelp til å halda liv i arven etter jåttseglarane frå Tysnes. Sjølv den minste gåve er til stor hjelp.
❤️
Bankkonto: 3525.22.46175
VÅRE STØTTESPELARAR
